बर्दियामा खुकुरी प्रहार गरी युवकको हत्या
२७ कार्तिक २०८० १४:२२
सांकेतिक तस्बिर।
बर्दियामा खुकुरी प्रहार गरी एक युवकको हत्या भएको छ।
बर्दियाको गुलरिया नगरपालिका-५, सुहेलवामा खुकुरी प्रहारबाट गुलरिया-६ का २३ वर्षीय वरूण घिमिरेको हत्या भएको हो।
गम्भीर घाइते घिमिरेलाई उपचारका लागि अस्पताल लैजाने क्रममा उनको बाटोमै मृत्यु भएको जिल्ला प्रहरी कार्यालय, बर्दियाका प्रहरी उपरीक्षक सुधीरराज शाहीले जानकारी दिए।
गएराति दुई समूहबीच झडप भएको थियो। त्यसक्रममा उनीमाथि खुकुरी प्रहार भएको हो।
झडपमा संलग्न व्यक्ति फरार रहेका र उनीहरूको खोजी भइरहेको प्रहरीले जनाएको छ।
सम्बन्धित समाचार
प्रतिक्रिया