![Pardafas.com](https://www.pardafas.com/wp-content/uploads/2022/06/pardafas-logo.png)
संसदीय छानबिन समितिको बैठक बस्दै, फरेन्सिक रिपोर्टबारे ल्याबका विज्ञसँग छलफल हुने
![clock](https://www.pardafas.com/wp-content/themes/pardafas/assets/img/clock-icon.png)
![संसदीय छानबिन समितिको बैठक बस्दै, फरेन्सिक रिपोर्टबारे ल्याबका विज्ञसँग छलफल हुने](https://www.pardafas.com/wp-content/uploads/2022/07/Budget-Prakaran.jpg)
पूर्व अर्थमन्त्री जनार्दन शर्मामाथि छानबिनका लागि बनेको विशेष संसदीय समितिले नेपाल प्रहरीको फरेन्सिक ल्याबबाट प्राप्त रिपोर्टको प्राविधिक विषयमा फरेन्सिक ल्याबका विज्ञहरूसँग छलफल गर्ने भएको छ ।
मंगलबार सिंहदरबारमा बसेको समितिको बैठकले प्रहरीको फरेन्सिक ल्याबको रिपोर्टबारे ल्याबका विज्ञहरूसँगबाटै जानकारी लिन लागेको हो ।
बैठकपछि समितिका सदस्यसचिव सुरेन्द्र अर्यालले फरेन्सिक ल्याबबाट आएको रिपोर्टको प्राविधिक अध्ययन गर्नुपर्ने देखिएको बताए । उनले फरेन्सिक ल्याबबाट प्राप्त रिपोर्ट प्राविधिक भएकाले ल्याबका विज्ञसँग छलफल गरेर अप अध्ययन गर्न मंगलबार दिउँसो ४ बजेको बैठकमा विज्ञलाई आमन्त्रण गरिएको बताए ।
सचिव अर्यालले ल्याबका प्राविधिकहरूसँग बसेर समितिले छलफल गरेपछि मात्रै अन्य थप जानकारी दिन सकिने बताए ।
समितिले अर्थ मन्त्रालयले अर्थ मन्त्रालयको असार १३ र १४ गतेको सीसीटीभी डिलिट भएको जानकारी गराउँदै मन्त्रालयको सीसीटीभीको हार्डडिस्क नै समितिलाई दिएको थियो ।
समितिले डिलिट भएको सीसीटीभी फुटेज रिकभर गर्नको लागि नेपाल प्रहरीको फरेन्सिक ल्याब पठाएको थियो । फरेन्सिक ल्याबले सोमबार समितिलाई हार्डडिस्क फिर्ता गरेको थियो ।
प्रतिक्रिया