![Pardafas.com](https://www.pardafas.com/wp-content/uploads/2022/06/pardafas-logo.png)
संसद् अधिवेशन अझै केही समय चल्छ, कानुनहरू बन्छन् : मन्त्री शर्मा
![clock](https://www.pardafas.com/wp-content/themes/pardafas/assets/img/clock-icon.png)
![संसद् अधिवेशन अझै केही समय चल्छ, कानुनहरू बन्छन् : मन्त्री शर्मा](https://www.pardafas.com/wp-content/uploads/2022/08/Govinda-Prasad-Sharma.jpg)
कानुन, न्याय तथा संसदीय मामिलामन्त्री गोविन्दप्रसाद शर्मा कोइरालाले चालु संसद् अधिवेशन अझै केही समय चल्ने बताएका छन् ।
मंगलबार प्रतिनिधि सभा बैठकमा बोल्दै मन्त्री शर्माले चालु संसद् अधिवेशन केही समय अझै चल्ने बताएका हुन् । उनले यो संसद्ले धेरै कानुनहरू बनाउन बाँकी रहेको उल्लेख गर्दै सम्भव भएसम्मका कानुनहरू बनाइने बताए ।
मन्त्री शर्माले राज्यको विभिन्न क्षेत्रमा अझै पनि सकारात्मक विभेद आवश्यक रहेको बताए । उनले राजनीतिक क्षेत्रको अलावा लोकसेवा आयोगले समेत सकारात्मक विभेदको व्यवस्था गरेको भन्दै अरू ठाउँहरूमा पनि सकारात्मक विभेद गर्नुपर्ने बताए ।
उनले हरेक कानुनहरू लैंगिक समतायुक्त बनाउनुपर्ने बताए । मन्त्री शर्माले महिलाको मर्यादालाई अवमूल्यन गर्ने हानिकारक सामाजिक अभ्यास र कुप्रथाविरुद्ध अभियान सञ्चालन गर्नुपर्नेमा जोड दिए ।
प्रतिक्रिया