![Pardafas.com](https://www.pardafas.com/wp-content/uploads/2022/06/pardafas-logo.png)
चोलेन्द्रविरुद्धको महाभियोग प्रस्ताव चुनावपछिको प्रतिनिधि सभाले हेर्छ : रामनारायण बिडारी
![clock](https://www.pardafas.com/wp-content/themes/pardafas/assets/img/clock-icon.png)
![चोलेन्द्रविरुद्धको महाभियोग प्रस्ताव चुनावपछिको प्रतिनिधि सभाले हेर्छ : रामनारायण बिडारी](https://www.pardafas.com/wp-content/uploads/2022/09/Ramnarayan-Bidari.jpg)
राष्ट्रिय सभाका पूर्वसदस्य तथा वरिष्ठ अधिवक्ता रामनारायण बिडारीले प्रधानन्यायाधीश चोलेन्द्र शमशेर जबराविरुद्धको महाभियोग प्रस्ताव निर्वाचनपछि आउने प्रतिनिधि सभाले हेर्ने बताएका छन् ।
आइतबार सर्वोच्च अदालत परिसरमा सञ्चारकर्मीहरूसँग कुराकानी गर्दै वरिष्ठ अधिवक्ता बिडारीले प्रधानन्यायाधीश जबराविरुद्धको महाभियोग प्रस्ताव मंसिर ४ गतेको निर्वाचनपछि आउने प्रतिनिधि सभाले हेर्ने बताएका हुन् ।
उनले संसद् जीवित रहेको पनि बताए । उनले संसद् भंग नभएको र अधिवेशन मात्रै अन्त्य भएको स्पष्ट पारे । आवश्यक परेमा संसद्को अधिवेशन बोलाउन सकिने पनि उनले बताए ।
वरिष्ठ अधिवक्ता बिडारीले नेकपा (एमाले)ले प्रधानन्यायाधीश चालेन्द्र शमशेर जबरालाई जोगाउनका लागि षड्यन्त्र गरिरहेको आरोप लगाए । उनले महाभियोग सिफारिस समितिले गरेको बहुमतको निर्णय लागू हुने स्पष्ट पारे ।
उनले महाभियोगको प्रक्रिया ढिलो भयो भनेर भ्रष्टाचारीले उन्मुक्ति पाउन नहुने बताए ।
प्रतिक्रिया