![Pardafas.com](https://www.pardafas.com/wp-content/uploads/2022/06/pardafas-logo.png)
प्रेम आले भन्छन- डोटीमा गठबन्धन नभए कुनै पनि जिल्लामा हुँदैन
![clock](https://www.pardafas.com/wp-content/themes/pardafas/assets/img/clock-icon.png)
![प्रेम आले भन्छन- डोटीमा गठबन्धन नभए कुनै पनि जिल्लामा हुँदैन](https://www.pardafas.com/wp-content/uploads/2022/09/Prem-Ale.jpg)
पूर्व संस्कृति, पर्यटन तथा नागरिक उड्डयनमन्त्री तथा नेकपा (एकीकृत समाजवादी)का नेता प्रेमबहादुर आलेले आगामी प्रतिनिधि सभा निर्वाचनमा डोटीमा गठबन्धन नगर्ने भए कुनै जिल्लामा पनि गर्न नहुने बताएका छन् ।
सोमबार पार्टी केन्द्रीय कार्यालयमा आयोजित नेपाल मगर संघ (समाजवादी)को तेस्रो राष्ट्रिय भेलालाई सम्बोधन गर्दै नेता आलेले डोटी जिल्लामा गठबन्धन चाहिँदैन भनेर भेला गर्दै हिँडेको भन्दै असन्तुष्टि व्यक्त गरेका छन् । उनले डोटी जिल्लामा गठबन्धन नगर्ने भए ७७ वटै जिल्लामा गठबन्धन गर्न नहुने बताए । उनले गठबन्धन गर्ने भए पनि ७७ वटै जिल्लामा हुनुपर्ने बताए ।
नेता आलेले गत स्थानीय तह निर्वाचनमा आफूहरूले १० वटा वडामा मात्रै उम्मेदवार उठाएर ५५ वटा वडा छाडिएको भन्दै यसैको मतको आधारमा नेपाली कांग्रेसले समाजवादीको मत कम रहेको व्याख्या गरिरहेको बताए । गठबन्धन गर्दा स्थानीय तहको मतको कुरा गर्न नहुने उनको भनाइ छ । उनले स्थानीय निर्वाचनको परिणामको आधारमा गठबन्धनबाट विद्रोहको प्रयास भइरहेको उल्लेख गर्दै त्यसप्रति आफूहरूको ध्यानाकर्षण भएको बताए ।
उनले मगर जाति समानुपातिकमा मात्रै बस्ने जाति नभएको बताए । नेता आलेले मगर एक्लैएक्लै हरेक जातिसँग प्रतिस्पर्धा गर्नसक्ने जाति भएको बताए । उनले आगामी निर्वाचमा पार्टीलाई ठूलो पार्टी बनाउने गरी लाग्न नेता कार्यकर्ताहरूलाई निर्देशन दिए ।
प्रतिक्रिया