झापामा करुवाले हिर्काएर श्रीमतीको हत्या, श्रीमान् पक्राउ

झापामा श्रीमतीको हत्या अभियोगमा श्रीमान् पक्राउ परेका छन्।

आफ्नै श्रीमती २६ वर्षीया सपना गोरडको हत्या गरेको अभियोगमा बुद्धशान्ति गाउँपालिका–१ बुधबारे बजारस्थित सुन पसलका सञ्चालक भारत घर भएका ३२ वर्षीय रघुनाथ मारुती गोरडलाई बिहीबार बिहान प्रहरीले पक्राउ गरेको हो।

उनीहरूबीचको सामान्य वादविवादमा रघुनाथले पानी खाने करुवाले टाउकोमा प्रहार गर्दा सपनाको घटनास्थलमै मृत्यु भएको प्रहरीले जनाएको छ।

इलाका प्रहरी कार्यालय बुधबारे र इलाका प्रहरी कार्यालय धुलाबारीबाट खटिएको प्रहरीले उनलाई पक्राउ गरेको हो ।

थप अनुसन्धन भइरहेको प्रहरीले जनाएको छ।