भारतीय विदेश सचिव क्वात्रा तीन दिने नेपाल भ्रमणका लागि सोमबार आउँदै
२७ माघ २०७९ १०:३५
भारतको विदेम मामिला मन्त्रालयका सचिव विनय मोहन क्वात्रा नेपाल भ्रमणमा आउने भएका छन्। परराष्ट्र मन्त्रालय स्रोतका अनुसार उनी सोमबार (१ फागुन) मा काठमाडौं आइपुग्ने कार्यक्रम छ।
परराष्ट्र सचिव भरत राज पौड्यालको निमयन्त्रणामा क्वात्रा नेपाल आउन लागेका हुन्। उनी नेपालमा दुईदेखि तीन दिनसम्म रहने कार्यक्रम रहेको छ ।
भारतीय विदेश सचिव क्यात्रा भारतीय वायु सेनाको विमानमा आउने कार्यक्रम रहेको छ । यतिबेला परराष्ट्रका अधिकारी र भारतीय दूतावासका अधिकारीहरु उनको भ्रमणको तयारीमा जुटेका छन् ।
काठमाडौं अवतरण गरेलगत्तै क्वात्राले पौडेलसँग परराष्ट्र सचिवस्तरीय बैठक र त्यसपछि परराष्ट्रमन्त्री पौड्यालसँग भेटवार्ता गर्ने कार्यक्रम छ ।
दुवै परराष्ट्र सचिवले नेपालमा भारतीय अनुदानमा भएका परियोजनामा भएको प्रगतिको समीक्षा गर्नुका साथै विभिन्न द्विपक्षीय विषयमा छलफल गर्ने नेपाली अधिकारीहरुले जनाएका छन् ।
गत वर्ष सेप्टेम्बरमा परराष्ट्र सचिव पौड्यालको नयाँदिल्ली भ्रमणपछि क्वात्राको यो काठमाडौं फिर्ता भ्रमण हो, नेपाल सरकारका एक वरिष्ठ अधिकारीले भने।
पौड्याल र क्वात्राले गत वर्ष प्रधानमन्त्री शेरबहादुर देउवा र प्रधानमन्त्री नरेन्द्र मोदीको एकअर्काको देशको उच्चस्तरीय भ्रमणका क्रममा भएका विभिन्न पहल र घोषणाहरूको प्रगतिको समीक्षा गर्नेछन्, ती अधिकारीले भने।
प्रधानमन्त्री देउवाले गत अप्रिलमा भारत भ्रमण गरेका थिए भने मोदीले वैशाखमा नेपाल आएका थिए ।
भारतीय प्रधानमन्त्रीका तर्फबाट क्वात्राले प्रधानमन्त्री दाहाललाई उपयुक्त मितिमा भारत भ्रमणको निमन्त्रणा पनि दिने नेपाली कूटनीतिज्ञले जानकारी दिए ।
प्रधानमन्त्री दाहालले गत माघ १ गते पत्रकार समूहलाई आफ्नो पहिलो विदेश भ्रमण भारत हुने र त्यसका लागि नयाँ दिल्लीस्थित नेपाली दूतावासले सम्बन्धित भारतीय कार्यालयसँग समन्वय गरिरहेको बताएका थिए ।
तर दाहालले नयाँ दिल्लीलाई आफ्नो पहिलो पोर्ट अफ कल बनाउने कि नगर्ने भन्ने अझै अनिश्चित छ किनभने उनी मार्च ५–९ मा हुने अल्पविकसित राष्ट्रहरूको पाँचौं संयुक्त राष्ट्रसङ्घीय सम्मेलनमा सहभागी हुन पहिलो पटक कतार जान सक्नेछन्।
नेपाल अल्पविकसित राष्ट्रको अध्यक्ष बन्ने राष्ट्रसंघीय सम्मेलनमा प्रधानमन्त्री र परराष्ट्रमन्त्री दुवै सहभागी हुने कार्यक्रम छ ।
क्वात्राको भ्रमणपछि प्रधानमन्त्रीको दिल्ली भ्रमणको मिति तय गरिने अधिकारीहरुले जनाएका छन् । क्वात्राले प्रधानमन्त्री प्रचण्डलाई भारत भ्रमणको निम्तो समेत दिनेछन्।
पहिलो पटक प्रधानमन्त्री निर्वाचित भएपछि दाहालले नेपाली प्रधानमन्त्रीहरूले नयाँ दिल्लीको पहिलो भ्रमण गर्ने परम्परालाई तोडेर त्यस वर्षको ग्रीष्मकालीन ओलम्पिक उद्घाटन समारोहमा भाग लिन बेइजिङ प्रस्थान गरेका थिए ।
तर बेइजिङबाट फर्किएपछि दाहालले नेपाल–भारत सम्बन्धमा परेको कथित क्षतिलाई नियन्त्रण गर्ने प्रयास गर्दै बेइजिङ भ्रमण औपचारिक नभएको र आफ्नो पहिलो ‘आधिकारिक भ्रमण’ अझै नयाँ दिल्ली हुने बताएका थिए ।
तर दोस्रो कार्यकालमा दाहालले सेप्टेम्बर २०१६ मा भारतबाट विदेश भ्रमण सुरु गरेका थिए ।
त्यसपछि गत वर्ष जुलाईमा भारतीय जनता पार्टी (भाजपा) का राष्ट्रिय अध्यक्ष जेपी नड्डाको निमन्त्रणामा दाहाल दक्षिणी छिमेकी गएका थिए । त्यसबेला दाहालले भारतीय विदेशमन्त्री एस जयशंकर, राष्ट्रिय सुरक्षा सल्लाहकार अजित डोभाललगायत भाजपा अध्यक्षसँग पनि भेट गरेका थिए ।
डिसेम्बर २८ मा एक भारतीय समाचार च्यानलसँगको अन्तर्वार्तामा दाहालले क्वात्राबाट आफूलाई फोन आएको र उपयुक्त मितिमा भारत भ्रमण गर्न निम्तो दिएको पुष्टि गरेका थिए । एबीपी न्युजसँगको अन्तर्वार्तामा दाहालले आफ्नो पहिलो विदेश भ्रमण भारतबाट हुने बताएका थिए ।
३० डिसेम्बरमा भारतीय राजदूत नवीन श्रीवास्तवले दाहाललाई भारतीय प्रधानमन्त्री मोदीको बधाई सन्देश हस्तान्तरण गर्दै भारत भ्रमणको निम्तो दिएको स्रोतले जनाएको छ । ।
दाहालको भारत भ्रमणअघि काठमाडौं र नयाँ दिल्लीले विभिन्न तहमा द्विपक्षीय संयन्त्रका केही बैठक सम्पन्न गर्ने तयारी गरिरहेका छन् ।
नेपालका लागि भारतीय राजदूत समेत रहिसकेका क्वात्राले नेपाल भ्रमणका क्रममा उच्चस्तरीय भेटवार्ता गर्ने कार्यसूची रहेको छ । यस्तै सम्भव भएसम्म उनले पत्रकारहरुसँग भेटवार्ता समेत गर्नेछन् ।
परराष्ट्र मन्त्रालय स्रोतका अनुसार उनले राष्ट्रपति विद्यादेवी भण्डारी, प्रधानमन्त्री पुष्पकमल दाहाल (प्रचण्ड), परराष्ट्रमन्त्री बिमला राई पौड्याल र राजनीतिक दलका शीर्ष नेतालगायतसँग भेटवार्ता गर्ने कार्यक्रम तय भएको छ।
सम्बन्धित समाचार
प्रतिक्रिया