पाकिस्तान उडनु अघि विमानस्थलमा क्रिकेटर सन्दीपसँग साक्षात्कार
११ भदौ २०८० १०:१३
नेपाली राष्ट्रिय क्रिकेटर सन्दीप लामिछाने एशिया कप २०२३ मा पाकिस्तानी टोलीसँग जित्ने विश्वासका साथ पाकिस्तानबाट केही नयाँ र सकारात्मक पक्ष हासिल हुने बताएका छन् ।
सन्दीप एशिया कपमा सहभागी हुन सोमबार पाकिस्तान जाँदैछन् ।
सन्दीपविरुद्धको मुद्दाको आइतबार पनि सुनुवाइ नभएपछि उनी एशिया कप खेल्नका लागि पाकिस्तान जान लागेका हुन् ।
त्रिभुवन अन्तर्राष्ट्रिय विमानस्थलमा उनले पत्रकारहरुसँग आफ्नो टिमले जित्ने विश्वास ब्यक्त गरेका हुन् । उनी कतार एयरवेजको उडानमा दोहा हुँदै पाकिस्तान जान लागेका ह्ुन् ।
एसिया कपमा सहभागी हुन नेपाली टोली मंगलबारनै पाकिस्तान गए पनि सन्दीप भने मुद्दाको सुनवाई हुने भएकाले गएका थिएनन् ।
एसिया कपमा समूह ‘ए’मा रहेको नेपालले भदौ १३ गते पाकिस्तानसँग मुल्तानमा र भदौ १८ गते श्रीलंकाको क्यान्डीमा खेल्नेछ ।
नेपाली क्रिकेट टोलीका पूर्व क्याप्टेन सन्दीपमाथि उमेर नपुगेकी किशोरीमाथि बलात्कार गरेको आरोपमा कानूनी उपचार जारी छ ।
उनीविरुद्धको मुद्दा काठमाडौं जिल्ला अदालतमा विचाराधीन छ । यसअघि उच्च अदालत पाटनको आदेशपछि उनी धरौटीमा रिहा भएर विदेशमा आयोजित प्रतियोगितामा सहभागी हुन थालेका हुन् ।
सम्बन्धित समाचार
प्रतिक्रिया