प्रधानमन्त्री दाहाल कैलाश मानसरोवर जाँदै

प्रधानमन्त्री पुष्पकमल दाहाल ‘प्रचण्ड’ बिहीवार पवित्र धार्मिक स्थाल कैलाश पर्वत र मानसरोवर जाँदै छन् । चीनको औपचारिक भ्रमणमा रहेका उनी बुधबार तिब्बतको ल्हासा आएका थिए ।

प्रधानमन्त्री दाहाल कैलाश पर्वतको भ्रमणका लागि बिहान ल्हासाको गङ्गा विमानस्थल पुग्नु र तिब्बत एयरलाइन्सबाट त्यसतर्फ प्रस्थान गर्ने उनको सचिवालयले जनाएको छ । कैलाश पर्वत र मानसरोवरको भ्रमणका लागि उनका साथमा भ्रमण दलमा रहेका सदस्यहरू पनि हुनेछन् ।

बुधबार ल्हासा आइपुगेका प्रधानमन्त्री दाहाल यहाँ विभिन्न द्विपक्षीय भेटघाट र निरीक्षण अवलोकनमा व्यस्त थिए । प्रधानमन्त्री दाहाल गत शनिबारदेखि चीनको औपचारिक भ्रमणमा छन् ।