भारतबाट बिजुली आयात सम्झौता नवीकरण, साढे ५ सय मेगावाट आयात गरिने
१५ चैत २०८० १४:४०
फाइल तस्बिर।
भारतबाट नेपालमा बिजुली आयात गर्ने सम्झौता नवीकरण भएको छ । सुख्खायाममा नेपालका लागि अपुग बिजुली भारतबाट आयातका लागि सम्झौता नवीकरण भएको हो ।
नेपाल विद्युत प्राधिकरणका प्रवक्ता चन्दनकुमार घोषले तीन महिनाका लागि सम्झौता नवीकरण भएको जानकारी दिए । अब असार दोस्रो सातामा नेपालले भारतबाट बिजुली आयात गर्न सक्छ । यसअघि एक वर्षका लागि सम्झौता हुने गरेकोमा यसपटक तीन महिनाका लागि मात्रै भएको हो ।
सुख्खायाममा नेपालले बिजुलीको समस्या भोग्दै आएको छ । सुख्खायाममा नेपालको कुल बिजुली माग २ हजार मेगावाट रहने भए पनि नेपालले करिब १४ सय मेगावाट मात्र उत्पादन हने गरेको छ । बाँकी ६ सय मेगावाटका लागि भारतबाट आयात गर्नुपरेको हो ।
भारतबाट नेपालले ढल्केबर–मुजफ्फरपुर अन्तरदेशीय प्रसारण लाइनमार्फत ५ सय मेगावाट र टनकपुर प्रसारणलाइनबाट ५४ मेगावाट बिजुली आयात गर्न लागेको हो । नेपालले भारतको डे अहेड बजारबाट बिजुली खरिद गर्दै आएको छ । यो बजारबाट बिजुली खरिदका लागि नेपालले २०७८ वैसाखमा अनुमति पाएको थियो ।
सम्बन्धित समाचार
प्रतिक्रिया