घूससहित पक्राउ परेका महाराजगन्जका वडाध्यक्षविरुद्ध भ्रष्टाचार मुद्दा
१७ वैशाख २०८१ १५:०४
गत चैतमा घूससहित पक्राउ परेका कपिलवस्तुको महाराजगञ्ज नगरपालिका–२ का वडाध्यक्ष उजेर अलीविरुद्ध भ्रष्टाचार मुद्दा दायर भएको छ ।
अख्तियार दुरुपयोग अनुसन्धान आयोगले आज अलीविरुद्ध विशेष अदालत काठमाडौंमा भ्रष्टाचार मुद्दा दायर गरेको हो । गत चैत १८ मा १५ हजार रुपैयाँ घुस रकमसहित उनलाई अख्तियारले पक्राउ गरेको थियो ।
सेवाग्राहीको घरबाटो सिफारिस दिने नाममा घुस मागेको भन्ने सूचनाका आधारमा खटिएको टोलीले उनलाई पक्राउ गरेको थियो । अलीलाई भ्रष्टाचार निवारण ऐन २०५९ अनुसार कैद सजाय तथा बिगो जरिवाना माग गरिएको छ ।
सम्बन्धित समाचार
प्रतिक्रिया