![Pardafas.com](https://www.pardafas.com/wp-content/uploads/2022/06/pardafas-logo.png)
सरकार पेलेरै जान्छ भने चुनौती सामना गर्न कांग्रेस तयार छः नेता सिटौला
![clock](https://www.pardafas.com/wp-content/themes/pardafas/assets/img/clock-icon.png)
कांग्रेसका नेता कृष्णप्रसाद सिटौलाले प्रतिपक्षले जनताको आवाज उठाउँदा सरकारले पेलेर जाने भए कांग्रेस चुनौती सामना गर्न तयार रहेको बताएका छन् ।
आइतबार काठमाडौंमा आयोजित एक कार्यक्रममा उनले सरकारले जनताको हितमा काम गर्नुपर्ने र प्रतिपक्षले जनताका आवाज उठाउनुपर्ने बताए । जनताका हितमा काम नगर्ने सरकार र जनताका आवाज नउठाउने प्रतिपक्ष छिटै सकिने जिकिर सिटौलाको थियो ।
उनले प्रतिपक्ष दलहरुले संसदमा उठाएका आवाजलाई सरकारले नजरअन्दाज गरे उक्त प्रवृत्तिलाई सामना गर्न कांग्रेस तयार रहेको बताए । सरकार पेलेर जाने हो भने कांग्रेस सहेर नबस्ने चेतावनी पनि उनले दिए ।
‘कांग्रेसले आफू मात्रै अन्याय भएको महशुस गरेको छैन, आम जनतामा अन्याय भएको कुरा कांग्रेसले उठाएको छ,’ उनले भने ।
नेता सिटौलाले प्रदेश सरकारलाई संविधानले दिएको अधिकार कार्यान्वयन गर्न कानून नै बन्न नसकेको बताए । उनले कानून संघीय संसद बनाउनुपर्ने भए पनि प्रदेश लक्षित बन्न नसकेको बताए ।
प्रतिक्रिया