सरकारले एसपीपीमा सहभागी नहुने पत्र पठाएकै छैन : सांसद लोहनी

नेकपा एमालेका सांसद खेमप्रसाद लोहनीले सरकारले एसपीपीमा सहभागी नहुने पत्र नपठाएको आरोप लगाएका छन् ।

बिहीबार सिंहदरबारमा बसेको राज्यका निर्देशक, सिद्धान्त, नीति र दायित्वको कार्यान्वयन, अनुगमन तथा मूल्यांकन समितिको बैठकमा बोल्दै उनले यस्तो बताएका हुन् ।

उनले सरकारसँग संसदीय समितिले र सिंगो संसद्ले अमेरिकालाई एसपीपीमा सहभागी नहुने भनेर पठाएको पत्र माग गर्दा दिन हिच्किचाहट गरिरहेको बताए । उनले नेपालीहरूको चासो र चिन्ताको विषयका बारेमा जानकारी नगराउनु सरकारको गैरजिम्मेवारीपन भएको बताए ।

उनले सरकारले जनता र समितिलाई एसपीपी सम्झौतामा सहभागी नहुने भनेर पठाएको पत्र उपलब्ध नगराउनु राष्ट्रप्रतिको धोका भएको बताए ।

सांसद लोहनीले सरकारले एसपीपीमा सहभागी नहुने पत्र पठायौँ भनेर पत्र नपठाइ जनतालाई ढाँटेको आरोप लगाए ।

 

प्रतिक्रिया

Leave a Reply

Your email address will not be published.

ताजा खबर