दुबई पठाइदिन्छु भन्दै ठग्ने महिला पक्राउ
२३ जेठ २०८० २०:१३
रोजगारीका लागि दुबई पठाइदिने भन्दै ठगी गरेको आरोपमा एक महिला पक्राउ परेकी छन्। पक्राउ पर्नेमा झापाको दमक नगरपालिका-१० घर भई काठमाडौंको बूढानीलकण्ठ नगरपालिका-८ बस्ने ४५ वर्षीया मुनादेवी कार्की छिन्।
उनलाई सोमबार बबरमहलबाट पक्राउ गरिएको काठमाडौं उपत्यका अपराध अनुसन्धान कार्यालयका प्रहरी उपरीक्षक (एसपी) रवीन्द्र रेग्मीले जानकारी दिए। उनले उमेश श्रेष्ठलाई दुबई पठाइदिने भनी ४ लाख ५० हजार ठगी गरेको आरोप छ।
उनले पीडितलाई दुबई पठाएर बाइक राइडरको काममा लगाइदिने, प्रक्रिया मिलाउन ४ लाख ५० हजार रुपैयाँ लाग्ने र काममा लागिसकेपछि मासिक एक लाख रुपैयाँ बढी तलब हुने भनी प्रलोभनमा पारेकी थिइन्।
पक्राउ परेकी उनलाई थप अनुसन्धान तथा कारबाहीका लागि वैदेशिक रोजगार विभाग पठाइएको प्रहरीले जनाएको छ।
सम्बन्धित समाचार
प्रतिक्रिया