नेप्से परिसूचकमा उच्च अंकको गिरावट
१७ भदौ २०८० १६:१५
धितोपत्र बजारमा शेयर कारोबार मापक नेप्से परिसूचक आज उच्च अङ्कले ओरालो लागेको छ । नेपाल स्टक एक्सचेञ्जका अनुसार नेप्से परिसूचक २९ दशलमव ८१ अङ्कले ओरालो लागेर एक हजार नौ सय ६० दशमलव ७८ मा सीमित भएको छ ।
यस्तै ठूला कम्पनीको शेयर कारोबार मापन गर्ने सेन्सेटिभ परिसूचक पाँच दशमलव शून्य नौ अङ्कले ओरालो लागेर तीन सय ७६ दशमलव ६२ मा सीमित भएको छ । कारोबार भएका १३ वटै उपसमूहको शेयर मूल्यमा आज गिरावट देखिएको छ ।
विभिन्न कम्पनीका कुल ४० लाख ५३ हजार तीन सय ६८ कित्ता शेयर एक अर्ब १८ करोड ६६ लाख १८ हजार चार सय १० रूपैयाँ मूल्यमा खरिद बिक्री भए । कारोबारका आधारमा सोल्टी होटल शीर्ष स्थानमा छ । सो कम्पनीको तीन करोड ८८ लाख ८८ हजार एक सय छ रूपैयाँ मूल्य बराबरको शेयर कारोबार भयो ।
यस्तै आइएमइ लाइफ इन्स्योरेन्स तीन करोड ७६ लाख ४१ हजार नौ सय ४६, सिटी होटल तीन करोड ७४ लाख दुई हजार सात सय ८०, माछापुच्छ्रे बैंक तीन करोड ४९ लाख ६६ हजार तीन सय दुई र एभरेष्ट बैंक तीन करोड २३ लाख ४३ हजार सात सय ५४ रूपैयाँ बराबरको कारोबार भई शीर्ष पाँचभित्र पर्न सफल भएका छन् ।
नेप्सेका अनुसार थ्री स्टार हाइड्रोपावरको शेयर मूल्यमा १० प्रतिशतले वृद्धि भई सकारात्मक सर्किट लागेको छ । यस्तै सिक्लेस हाइड्रोपावर पाँच दशमलव ५६, प्राइम बैंकको ऋणपत्र चार दशमलव शून्य तीन, बुद्धभूमि नेपाल हाइड्रोपावर एक दशमलव ९६ र सिटिजन म्युचुअल फण्ड दोस्रोको शेयर मूल्य एक दशमलव ९१ प्रतिशतले बढेको छ ।
यस्तै लिवर्टी इनर्जी रसिटी होटलको शेयर मूल्य १० प्रतिशतले ओरालो लाग्दा नकारात्मक सर्किट लागेको छ । ग्रीन भेञ्चर्स आठ दशमलव ७९, कुथेली बुखरी स्मल हाइड्रोपावर आठ दशमलव ३९ र सामलिङ पावर कम्पनीको शेयर मूल्य सात दशमलव २२ प्रतिशतले घटेको छ ।
सम्बन्धित समाचार
प्रतिक्रिया