सर्वोच्च अदालतमा ६ जना न्यायाधीश नियुक्त
४ पुष २०८० १६:४४
फाइल तस्बिर।
राष्ट्रपति रामचन्द्र पौडेलले सर्वोच्च अदालतमा ६ जना न्यायाधीश नियुक्त गरेका छन् ।
न्यायपरिषद्को सिफारिसमा राष्ट्रपतिले उनीहरूलाई न्यायाधीशमा नियुक्त गरेका हुन् ।
राष्ट्रपतिले नेपालको संविधानको धारा १२९ को उपधारा (२) बमोजिम न्याय परिषद्को सिफारिसमा न्यायाधीश तथा वरिष्ठ अधिवक्ताहरूलाई सर्वोच्च अदालतको न्यायाधीश पदमा नियुक्त गरेका हुन् ।
न्यायाधीशमा नियुक्ति पाउनेहरूमा सारंगा सुवेदी, अब्दुल अजिज मुसलमान, महेश शर्मा पौडेल, टेकप्रसाद ढुंगाना, सुनिलकुमार पोखरेल र बालकृष्ण ढकाल रहेका राष्ट्रपति कार्यालयकी प्रवक्ता शैलजा रेग्मी भट्टराईले जानकारी दिइन् ।
यसअघि बुधबारको संसदीय सुनुवाइ समितिको बैठकले सर्वोच्चको न्यायाधीशमा नियुक्तिका लागि सर्वसम्मतिले उनीहरूको नाम अनुमोदन गरेको थियो ।
राष्ट्रपतिबाट नियुक्ति पाएसँगै अब शपथ ग्रहण गरेर उनीहरूले सर्वोच्चको न्यायाधीशका रूपमा कामकाज सुरू गर्नेछन् ।
सम्बन्धित समाचार
प्रतिक्रिया