फ्रान्समा आयोजित एनसीबी कन्फरेन्समा आईजीपी कुँवर सहभागी
११ वैशाख २०८१ १८:०५
नेपाल प्रहरीका प्रहरी महानिरीक्षक बसन्तबहादुर कुँवर १९ औँ हेड अफ एनसीबी कन्फरेन्समा सहभागी भएका छन् ।
इन्टरपोलको महासचिवालयको आयोजनामा फ्रान्सस्थित लियोनमा भएको कन्फरेन्समा उनी सहभागी भएका हुन् । महानिरीक्षक कुँवर सोमबार त्यसतर्फ प्रस्थान गरेका थिए ।
महानिरीक्षक कुँवर नेशनल सेन्ट्रल ब्यूरो (एनसीबी) नेपालको प्रमुखका रुपमा सम्मेलनमा सहभागी भएका हुन् ।
हेड अफ एनसीबी कन्फरेन्समा मुख्य रूपमा ट्रान्सनेशनल संगठित अपराधका विषयमा छलफल हुनेछ । सम्मेलनमा इन्टरपोलका सबै सदस्य राष्ट्रहरू अर्थात् १९६ वटै देशका एनसीबीका प्रमुख तथा प्रतिनिधिहरू सहभागी छन् ।
सो क्रममा महानिरीक्षक कुँवरले भारत, चीन, जापान र मलेसियाका प्रतिनिधिहरूसँग द्विपक्षीय बैठक समेत तय भएको छ । सम्मेलनमा महानिरीक्षक कुँवरसहित नेपालबाट प्रहरी उपरीक्षक रवीन्द्र बहादुर सिंह समेत सहभागी छन् ।
सम्बन्धित समाचार
प्रतिक्रिया