स्मार्टफोनमा समस्या आउँदा अफ गर्नु सही कि रिस्टार्ट ?

मोबाइल प्रयोगकर्ताको संख्या लगातार बढिरहेको छ । खासगरी पछिल्ला केही वर्षयता स्मार्टफोन प्रयोगकर्ताको संख्यामा तीव्र वृद्धि भएको छ । हामी अनलाइन भुक्तानीदेखि सामाजिक सञ्जालसम्म सबै कुराको लागि स्मार्टफोन प्रयोग गर्छौं ।

जब स्मार्टफोन ह्याङ हुन्छ वा नेटवर्क हुँदैन, हामी प्रायः हाम्रो स्मार्टफोनलाई हवाइजहाज मोडमा राख्छौं वा फोनलाई स्विच अफ गरेर फेरि अन गर्छौं, ताकि नेटवर्क जडान पुनःस्थापित गर्न सकियोस् ।

के तपाईंले कहिल्यै सोच्नुभएको छ किन मोबाइल निर्माण कम्पनीहरूले फोन बन्द गर्न पावर अफसँगै पुनः सुरु गर्ने विकल्प प्रदान गर्छन् ? फोन रिस्टार्ट गर्दा पनि फोन पहिले स्वीच अफ हुन्छ र त्यसपछि फेरि अन हुन्छ ।
एकै समयमा, फोन म्यानुअल रूपमा बन्द गरेपछि, फोन फेरि अन हुँदैन । प्रयोगकर्ताहरूले पावर बटन थिचेर यसलाई सक्रिय गर्नुपर्छ ।

हामी तपाईलाई फोन स्विच अफ गर्ने र फोन रिस्टार्ट गर्ने बीचको भिन्नता बुझाउँछौं, ताकि तपाईलाई आवश्यक परेको बेला फोन स्विच अफ गर्ने वा रिस्टार्ट गर्ने भन्ने भ्रममा नपरोस् ।

–समय समयमा फोन रिस्टार्ट गर्दा एपले प्रयोग गरेको मेमोरी लीक हुँदैन ।

–जब तपाइँ फोनको पावर अफ गर्नुहुन्छ, उपकरणमा रहेको क्यास डाटा खाली हुन्छ । जसका कारण फोनलाई राम्रोसँग सञ्चालन गर्न सकिन्छ ।

–जब तपाईं नेटवर्कसम्बन्धी समस्या समाधान गर्न चाहनुहुन्छ, तब फोन पुनः सुरु गर्न सक्नुहुन्छ ।

–यदि तपाईंले फोन सुस्त वा ह्याङ छ भने, फोन म्यानुअल रूपमा बन्द गर्नु राम्रो विकल्प हुनेछ ।

–फोन बन्द वा रिस्टार्ट गर्दा, यन्त्रको पृष्ठभूमिमा चल्ने एपहरू बन्द हुन्छन् । जसका कारण फोनको ब्याट्रीको स्वास्थ्यमा सुधार हुन्छ । ब्याकग्राउन्ड एपहरूले फोनको ब्याट्री खपत गरिरहन्छन् र प्रयोगकर्ताहरूलाई यसको बारेमा थाहा हुँदैन ।

–समय–समयमा फोन रिस्टार्ट गर्नु वा स्वीच अफ र अन गर्नु राम्रो अभ्यास हो, जसले फोनको सफ्टवेयर वा कुनै पनि एपमा समस्याहरू हटाउन सक्छ । जसका कारण फोन राम्रोसँग चल्छ ।