राप्रपा शीर्ष नेताहरूले भैरहवा पुगेर भेटे पूर्वराजा ज्ञानेन्द्र, के भयो कुराकानी ?
१८ पुष २०८० १६:५३
पूर्वराजा ज्ञानेन्द्र शाह र राष्ट्रिय प्रजातन्त्र पार्टी (राप्रपा) का शीर्ष नेताहरूबीच भैरहवामा भेटवार्ता भएको छ ।
बुधबार राप्रपाका अध्यक्ष राजेन्द्र लिङ्देन, वरिष्ठ उपाध्यक्ष रवीन्द्र मिश्र, उपाध्यक्ष बुद्धिमान तामाङ, महामन्त्री धवलशमशेर राणा र सांसद दीपक सिंहले पूर्वराजा शाहसँग भेटवार्ता गरेका हुन् ।
पूर्वराजा शाहसँग देशको पछिल्लो परिस्थितिलगायत समयसामयिक विषयमा कुराकानी भएको भेटमा सहभागी नेताहरूले बताएका छन् ।
“हामी सबैले धेरै देख्यौ/बुझ्यौँ।
म ऐतिहासिक संस्थाको प्रतिनिधित्व गर्छु।
मेरो काम सबैलाई एकताको सूत्रमा बाँध्ने हो। सबै नेपाली मेरो लागि बराबर छन्।”भैरहवामा सामुहिक भेटमा राजा ज्ञानेन्द्रको भनाइ। pic.twitter.com/sVrHioXe8O
— Rabindra Mishra (@RabindraMishra) January 3, 2024
राप्रपाले हिन्दु राष्ट्र र राजतन्त्र पुनर्स्थापना तथा संघीयता खारेजीको मागसहित आन्दोलन घोषणा गरेको छ । नेताहरूले यसबारे पनि पूर्वराजा शाहलाई जानकारी गराएका छन् ।
राप्रपका वरिष्ठ उपाध्यक्ष रवीन्द्र मिश्रका अनुसार भेटमा पूर्वराजा शाहले आफू राजसंस्थाको प्रतिनिधित्व गर्ने भन्दै आफ्नो काम सबैलाई एकताको सूत्रमा बाँध्नु रहेको र सबै नेपाली आफ्ना लागि समान रहेको बताएका थिए ।
सम्बन्धित समाचार
प्रतिक्रिया