कारागारभित्रै चौकीदारले गरे चौकीदारको बलात्कार

कारागार कार्यालय तुलसीपुर, दाङका पुरुष ब्लकका चौकीदारले महिला ब्लककी चौकीदारलाई बलात्कार गरेको आरोप लागेको छ।

बलात्कार मुुद्दामा कैद भुक्तान गरिरहेका कारागारका पुरुष ब्लकका चौकीदार २८ वर्षीय खुमबहादुर चौधरीले बैंकिङ कसुरमा कैद भुक्तान गरिरहेकी महिला ब्लककी २५ वर्षीया चौकीदारलाई बलात्कार गरेको आरोप लागेको हो।

चौधरीले ती महिलालाई कारागारकै भान्सा कोठामा लगेर बिहीबार बलात्कार गरेको आरोप छ।

बलात्कार भएको सूचनापछि इलाका प्रहरी कार्यालय तुलसीपुरबाट खटिएको प्रहरी टोलीले महिलालाई स्वास्थ्य परीक्षणका लागि राप्ती प्रादेशिक अस्पताल पठाएको छ।

बलात्कार आरोपी चौधरी कारागारमै रहेको जनाइएको छ।