पुष्पा न्यौपाने मृत्यु प्रकरण : प्रेमीलाई पुर्पक्षका लागि थुनामा पठाउन अदालतकाे आदेश
१८ पुष २०७९ २०:११
इन्गेजमेन्ट टुटेपछि ‘आत्मदाह’ गरेकी २७ वर्षीया पुष्पा न्यौपानेका प्रेमी सुदन संग्रौलालाई पुर्पक्षका लागि थुनामा पठाउन अदालतले आदेश दिएको छ ।
जिल्ला अदालत, काठमाडौंले उनलाई पुर्पक्षका लागि थुनामा पठाउन आदेश दिएको हो । अदालतको आदेशपछि उनलाई केन्द्रीय कारागार, सुन्धारा चलान गरिएको जिल्ला प्रहरी परिसर, काठमाडौंले जनाएको छ ।
धुम्बराहीको पिपलबोट चोक नजिकै रहेको संग्रौलाको घर अगाडि १९ मंसिरमा जलिरहेको अवस्थामा न्यौपाने भेटिएकी थिइन् । उनको उपचारका क्रममा कीर्तिपुर अस्पतालमा मृत्यु भएको थियो ।
र, याे पनि-
केल्मी सञ्चालक पुष्पा न्यौपानेकाे जलेर मृत्यु, विवाह ताेडेर नियोजित हत्या गरेको परिवारको आरोप
न्यौपानेको परिवारले सुदनसहित उनका ५७ वर्षीय बुबा दिनेश, आमा बिन्दु संग्रौला र दाइ मधु संग्रौलाविरुद्ध पनि आत्महत्या दुरुत्साहनको कसूरमा किटानी जाहेरी दिएको थियो । तर, अदालतले त्यसबेलै बुबाआमा र दाइलाई हाजिरी जमानीमा छाड्न आदेश दिएको थियो ।
२०७८ को माघतिर पुष्पा र सुदनबीच चिनजान भएको थियो । दरबारमार्गस्थित केल्मी नेपालको स्वरुममा जाँदा सुदनको पुष्पासँग चिनजान भएको थियो । पछि उनीहरु विवाह गर्ने निर्णयमा पुगेका थिए ।
तर, इन्गेजमेन्ट भएको केही समयमै खटपट सुरु भयो । इन्गेजमेन्ट तोडिएको भोलिपल्ट पुष्पा सुदनको घर अगाडि जलिरहेको अवस्थामा भेटिएकी थिइन् ।
सम्बन्धित समाचार
प्रतिक्रिया